Etxebarru guztietako kontua da anis usaina sanblasetan. Hori da lehenengo pista opilak prest daudela jakiteko.
Orain anima zaitez eta... ON EGIN!!
Kg 1 irin
Kilo erdi azukre
150 g gurin
9 arrautza (hiru zuringo aparte utzirik)
7-8 tanta anis esentzia
Legamia, 2 zorro txiki
375 g glass azukre
Kilo erdi azukre, 150 g gurin eta hiru zuringoak ez besteko guztiak nahasi ongi orea lortu arte. Mahai baten gainean, orea zapal zapal egin botila baten laguntzaz edo. Ez ahaztu irin apur bat jartzea mahaiaren gainean, bestela dena kolatuko zaigu eta. Ore horretatik, pala baten tamainako opilak aterako ditugu eta ertzetan koskak egingo dizkiegu edo dauden-daudenean utzi, nork bere aukeran. 200º-tan dagoen labean sartu 15 minutuz.
Bitartean, zuringoak elur puntu gogorrean jarriko ditugu; limoi erdiaren ura bota eta glass azukrea gutxinaka- gutxinaka gehitu nolabaiteko loditusuna lortu arte. Labekoak atera eta oraindik epel daudelarik gainetik igurtziko ditugu zuringoekin, San Blas opilen zuritasun berezko hori eduki dezaten.
